КАРАНТИН КҮШІ ЖОЙЫЛҒАН ЖОҚ

Share on facebook
Share on linkedin
Share on twitter
Share on email
Share on whatsapp

Қордай ауданы әкімінің орынбасары Б.Жамангозов, аудандық бас санитарлық дәрігер М.Асаров және полиция қызметкерлері бірлесіп Қордай ауылында рейд жүргізді. Тексеру жұмыстарының басты мақсаты – сауда орындарындағы карантин режимі тәртібінің, санитарлық талаптардың сақталуы, заңсыз саудаға жол бермеу болды. Бұл туралы Жамбыл облысының тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі хабарлайды. 

Елде төтенше жағдай режимі аяқталғанына қарамастан, облысымызда карантин шаралары өз күшін жойған жоқ. Дегенмен өңірде карантин шектеулері біртіндеп жеңілдейді. Осыған орай, бірқатар сауда нысандарына өз жұмысын бастауға рұқсат берілген болатын. Рейд барысында аталмыш нысандарда карантин және санитарлық талаптардың сақталуы тексерілсе, ауыл тұрғындарына бетперде киіп жүру керектігі ескертілді. Тексеру барысында бірнеше сауда орнында олқылықтар анықталып, Б.Жамангозовтың тарапынан қатаң ескертулер айтылды. Сондай-ақ, санитарлық талаптарға құлақ аспасағандардың сауда орындары жабылуы мүмкіндігі түсіндірілді. Рейд барысында көшедегі заңсыз сауда мәселесі де анықталып, қатаң түрде ескертулер жасалды.

Осыдан кейн карантинде жатқан тұрғындардың шектеу шараларын қаншалықты атқарып жатқандықтары тексерілді. Санитарлық дәрігер тұрғындарға санитарлық талаптарға немқұрайлықпен қарамауларын ескертеді.

ТАҒЫ ДА ҚАРАҢЫЗ

Соңғы материалдар

ҚОҒАМДЫҚ МӘСЕЛЕЛЕР